Marknaeftirlit sett í verk við týska markið

- Hetta er neyðugt fyri at ansa eftir Danmark. Tað boðaði Lars Løkke Rasmussen, forsætisráðharri, frá á tíðindafundi um middagsleitið.

Svøríki setti í morgun eisini markaeftirlit í verk við brúnna um Oyrasund. Noreg og Finnland hava eisini sett ávís tiltøk í verk fyri at tálma flóttafólkastreyminum til londini.

Í fráboðanini viðurkennir forsætisráðharrin, at talan er um eitt stórt stig at taka. Lars Løkke Rasmussen sigur samstundis, at hetta er neyðugt fyri at ansa eftir Danmark, sum hann tekur til.

90.000 flóttafólk longu komin til Danmarkar

Flest øll flóttafólk koma til Danmarkar - og hini norðurlondini - koma umvegis dansk-týska markið. Bara síðan september eru fleiri enn 90.000 flóttafólk komin til Danmarkar umvegis týska markið.

13.000 av teimum 90.000 flóttafólkunum hava søkt um friðskjól í Danmark og restin hevur hildið leiðina fram til millum annað Svøríks og Noregs.

Í fyrsta umfari verður talan um at hava eftirlit við týska markið í 10 dagar, men hetta kann tó leingjast upp til fleiri ferðir 10 dagar.