Svøríki leingir hert marknaeftirlit

Tað varð innført 12. november, herda marknaeftirlitið í Svøríki. Nú hava svensku myndugleikanir gjørt av at leingja eftirlitið.

Tað upplýsir svenski innanríkisráðharrin, Anders Ygeman, sambært svensku tíðindastovuni, TT, skrivar Berlingske á netinum.

Herda eftirlitið í Svøríki verður helst ikki tikið av í bræði. ES má fyrst fáa skil uppá ytru markini í ES, sigur innanríkisráðharrin sambært blaðnum.

Hert eftirlit um Oyrasund

Mánadagin varð hert eftirlit eisini sett í verk á farleiðini um Oyrasund. Fólk, sum ferðast við toki um sundið, skulu nú úr tokinum at vísa samleikaprógv.

Fyri ferðandi millum Svøríki og Danmark hevur herda eftirlitið um Oyrasund merkt, at tað hevur tikið longri tíð hjá fólki at ferðast á farleiðini.

Svenski ríksidagurin samtykti miðskeiðis í november, at seta í verk samleikaeftirlit í landinum, fyri at avmarka talið av fólki, ið søkja um friðskjól í Svøríki.