Landslæknin skal nú gera sína meting

Heilsumálaráðið fekk eitt felags tilmæli frá Suðuroyar Sjúkrahúsi og Landssjúkrahúsinum um millum annað føðideildina á Suðuroyar Sjúkrahúsi.

Men Heilsumálaráðið heldur ikki, at tilmælið hjá teimum báðum sjúkrahúsunum er nøktandi at taka endaliga støðu útfrá.

Vísa á føðideildina á Landssjúkrahúsinum

Leiðslan á Suðuroyar Sjúkrahúsi heldur, at kvinnur, ið ikki vildu til Havnar at eiga, kundu fáa tilboð um heimaføðing á Suðuroyar Sjúkrahúsi.

Men Landssjúkrahúsið mælir til, at allar føðingar verða í Havn. Heilsumálaráðið hevur sent málið til Landslæknan.

Landslæknin skal taka støðu til, um tað er fakliga ráðiligt at seta eina skipan í verk, her kvinnur kunnu eiga á Suðuroyar Sjúkrahúsi við somu treytum, sum ein, ið vil eiga heima.