Almennur stuðul skal bjarga arbeiðsplássum

Almennur stuðul skal bjarga arbeiðsplássum
Bretska stjórnin hevur gjørt av at stuðla bretsku oljuvinnuna í Norðsjónum við trimum milliardum krónum, so arbeiðspláss í vinnuni verða varðveitt
Bretska oljuvinnan í Norðsjónum fær nú tríggjar milliardir krónur í almennum stuðli, so arbeiðspláss í vinnuni ikki fara fyri skeytið. Á myndini ein boripallur við bryggju í Invergordon í Skotlandi
Mynd: Savnsmynd/Wikimedia Commons  
 
29.01.2016 - 09:53

Orsøkin, til at bretska oljuvinnan fær almennan stuðul, er, at oljuvinnan, sum í stóran mun verður rikin úr Aberdeen í Skotlandi, er illa fyri av lækkandi oljuprísunum.

Stuðulin skal nýtast til at varðveita arbeiðspláss í oljuvinnuni, tí fólk í túsundatali eru søgd úr starvi, so hvørt sum prísurin á olju og gassi er lækkaður.

Ráðharrin fyri Skotland, David Modell, váttar, at ein hjálparpakki er á veg til oljuvinnuna, sum ikki bert hevur týdning fyri landnyðringspartin av Skotlandi, men fyri alt Bretland.

Fakfeløg í Noregi mæla til tað sama

Pengarnir skulu nýtast til at markaðarføra ta vitan sum bretska oljuvinnan hevur. Bretska stjórnin í London skal rinda helvtina av peninginum, meðan umsitingin í Skotlandi skal rinda hina helvtina.

Í Noreg hava fakfeløg mælt til tað sama, men hesum hevur stjórnin higartil víst aftur, og hevur ístaðin játtað fýra milliardir kr. aftrat til arbeiðsloysisstuðul.

Norska stjórnin hevur kortini ikki víst aftur, at talan kann gerast um størri játtan fyri at hjálpa teimum sum missa starvið í oljuvinnuni.

Er kopiera
Nýggjastu sendingar í ÚV
Fríggjadag 29. mars
Úr Koltri til Kirkjubøar (2:2)
172480
Fríggjadag 29. mars
Guðstænasta úr Hvannasunds kirkju
172951
Hósdag 28. mars
Ein sangur til dirvi
172633
Nýggjastu sendingar í SV
Fríggjadag 29. mars
Guðstænasta úr Hvannasunds kirkju
172949
Hósdag 28. mars
Skírhósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584