Eftir 147 dagar: Nú er hon aftur í Fólkaflokkinum

04.02.2016 - 11:14
AktueltPolitikkur
Eftir 147 dagar: Nú er hon aftur í Fólkaflokkinum
Annika Olsen, ið hevur verið uttanflokka á tingi síðani 20. september, er nú aftur í Fólkaflokkinum, boðaði flokkurin frá fyri løtu síðani
Annika Olsen er nú aftur í Fólkaflokkinum, boðaði flokkurin frá á tíðindafundi á Gamla Apoteki fyri løtu síðani
Mynd: © KvF  
 
 

Hon er ikki ókend í flokkinum, og nú er hon aftur har. Annika Olsen er aftur partur av Fólkaflokkinum og tingmanningini hjá flokkinum.

Tað er júst komið fram á tíðindafundinum á Gamla Apoteki, sum Fólkaflokkurin hevði boðið fjølmiðlunum á klokkan 11 fyrrapartin.

Klokkan 10:08 sendi Fólkaflokkurin út tíðindaskriv til fjølmiðlarnar, uttan at flokkurin kortini segði, hvat flokkurin fór at boða frá á tíðindafundinum.

Annika Olsen skal hjálpa til at nútíðargera flokkin

- Dagførda stevnuskrá floksins skal tryggja, at Fólkaflokkurin er fyri alt fólkið, leik sum lærd, ung sum eldri og aðalmálið verður eisini at byggja brýr millum útjaðara og miðøkið.

Tað stendur millum annað í tíðindaskrivi, sum Jørgen Niclasen, floksformaður, sendi út aftaná tíðindafundin. Annika Olsen skal eisini hjálpa til at nútíðargera flokkin, sigur formaðurin:

- Gerast skal ein nýtímansgerð av flokkinum við dagførdari stevnuskrá og bygnaði fyri flokkin. Annika Olsen fær ein týðandi leiklut í hesum arbeiði, serliga við atliti til Suðurstreym.

Greinin heldur fram niðanfyri

 

- Flokkurin skal nútíðargerast og stevnuskráin dagførast, sigur formaðurin í Fólkaflokkinum, Jørgen Niclasen

Posted by Kringvarp Føroya on 4. februar 2016

Tá Annika Olsen tók seg úr Fólkaflokkinum eftir løgtingsvalið í september ljóðaði, at hon fór upp í Framsókn hjá Poul Michelsen. Tað gjørdi hon eisini.

Á løgtingsfundinum 17. september kunngjørdi løgtingsformaðurin, Páll á Reynatúgvu, at Annika Olsen var partur av tingmanningini hjá Framsókn.

Annika Olsen steðgaði kortini ikki leingi í Framsókn. Bara tríggjar dagar seinni boðaði Annika Olsen frá, at hon fór úr flokkinum, og var uttanflokkatingkvinna.

Var undir stórum trýsti

Tað var um kvøldið 20. september í fjør heyst, at Annika Olsen boðaði fjølmiðlunum frá, at hon tók seg úr aftur Framsókn og tók sæti í Løgtinginum sum uttanflokkatingkvinna.

- Eg havi seinastu dagarnar verið undir ómetaliga stórum persónligum trýsti og ásanni, at tann tíð eg havi havt at umhugsa meg í, hevur verið alt ov stutt.

Tað upplýsti Annika Olsen í tíðindaskrivinum, hon sendi út, samstundis sum hon fór undir heilt og ikki vildi tosa við fjølmiðlarnar í nógvar dagar.

Nýggjastu sendingar í ÚV
Leygardag 16. februar
Also: Ikki uppfinna trupulleikar
91300
Leygardag 16. februar
Morgunlestur leygardagur 16. februar 2019
90854
Fríggjadag 15. februar
Pressan: Skert alment innlit um menningarkvotur
91260
Fríggjadag 15. februar
Góðan morgun Føroyar 150219
91259
Nýggjastu sendingar í SV
Fríggjadag 15. februar
Lyst 27
91270
Hósdag 14. februar
Stella Polaris 2019
91229
Hósdag 14. februar
Stella Polaris
91224
Mikudag 13. februar
Landafrøðingurin og testamentið (3:8)
90632
Mikudag 13. februar
Matkovin (6:10)
91168