Talið á deyðum veksur eftir tokvanlukku

Átta fólk eru deyð, 50 fólk eru illa skadd, 100 onnur fólk eru løstað, boðar løgreglan í Rosenheim frá á Twitter.

Greinin heldur fram niðanfyri

#Bahnunglück #BadAibling: aktueller Stand - 8 Tote, über 50 Schwerverletzte und rund 100 Leichtverletzte

— PolizeiOberbayernSüd (@polizeiOBS) February 9, 2016

Tokvanlukkan hendi millum München og Rosenheim, umleið 10 kilometrar sunnan fyri München klokkan 6:48 lokala tíð í morgun.

Annað tokið fór av sporinum eftir, at tey bæði tokini stoyttu frontalt saman, siga keldur á staðnum sambært týskum fjølmiðlum.

Ringt at koma til vanlukkustaðið

Trøini, har tokini rendu saman í morgun, eru høg. Tí sleppa bjargingarfólk ikki til økið við bjargingartyrlum.

Myndugleikarnir á staðnum útiloka ikki, at talið á deyðum kann vera størri, sigur ein talsmaður hjá løgregluni sambært BR24.de

Bjargingarfólk úr øllum landspartinum, har vanlukkan hendi, hjálpa til. Eisini Reyði krossur ætlar at senda bjargingarfólk á staðið.