Elsti føroyingurin deyður

Theodor Thomassen í Sørvági, ið var tann elsti føroyingurin, er deyður. Theodor Thomassen fylti 107 ár 28. oktober í fjør, tá hann bleiv 107 ár.

Hann hevði handil í Sørvági og róði út einsamallur, til hann var gott 95 ára gamal. Í 1930 giftist Theodor Thomassen Nenceu Hansen, ið eisini var ættað úr Sørvági.

SÍ EISINI Føroya elsti: Í dag fyllir hann 107 ár

Tey bæði bygdu sær hús og saman fingu tey 10 børn. Hann gjørdist einkjumaður í 1987. Í januar í ár fór heilsan at bila, og Theodor Thomasen sovnaði stillisliga burtur mikukvøldið.

Við børnum og barnabørnum vóru eftirkomararnir hjá Theodori Thomassen 142 í tali, tá hann í oktober í fjør fylti 107 ár.