Hjúnabandslógin aftur í Trivnaðarnevndina

16.03.2016 - 19:29
AktueltPolitikkur
Hjúnabandslógin aftur í Trivnaðarnevndina
Ein stórur meiriluti av tinginum samtykti at beina málið aftur í nevnd
 
 

Løgtingið samtykti fyri løtu síðani at beina uppskotið um at broyta hjúnabandslógina, so samkynd kunnu verða vígd borgarliga, aftur í Trivnaðarnevndina.

Kári P. Højgaard, Kaj Leo Holm Johannesen og Kristin Michelsen skutu upp at beina málið aftur í nevnd. 

26 atkvøddu fyri

Ein stórur meiriluti var fyri hesum uppskoti. 26 atkvøddu fyri, tvær atkvøður vóru ímóti, og fimm vóru blankar.

Løgtingið fór um ellivu tíðina fyrrapartin undir 2. viðgerð av uppskotinum um at broyta hjúnabandslógina.

Tá varð eitt broytingaruppskot lagt fram, sum skuldi tryggja, at samkynd, sum eru borgarliga vígd, ikki kunnu verða signað í kirkju.

Óvist nær málið kemur aftur

Viðgerðin endaði um hálvgum sjey tíðina í kvøld. Løgtingsformaðurin legði tingfundin niður í ein hálvan tíma.

Síðani varð atkvøtt uppskotið um at beina málið aftur í Trivnaðarnevndina. Og tað varð samtykt við stórum meiriluta. 

Nær málið kemur aftur úr Trivnaðarnevndini er ikki greitt

 

Nýggjastu sendingar í ÚV
Nýggjastu sendingar í SV
Mánadag 21. januar
Heimleys á Instagram (1:2)
90207
Mánadag 21. januar
Heimleys á Instagram (2:2)
90209
Mánadag 21. januar
Hugo og Helmig (3:4)
89913
Mánadag 21. januar
Bella loggar inn (2:7)
90072
Mánadag 21. januar
Kotan til kærleika (1:8)
90266