Magnus Jákupsson gull í Danish Open

Magnus Jákupsson hevur vunnið gull í stóru donsku svimjikappingini, Danish Open.

Hann bleiv nummar eitt í 100 metra ryggsvimjing. Tíðin hjá Magnusi var 55,46 sekund. 

Vár Erlingsdóttur Eidesgaard kom eisini á heiðursmerkjapallin. Hon vann bronsu í 1500 m. frí.

Tíðin hjá Vár var 17.25.28, og tað er nýtt føroyskt met. Hon átti sjálv gamla metið, sum var 17.32.83.

Tað ber til at lesa meira um avrikini hjá føroyskum svimjarum í Danish Open á svimjing.com