Kanning: 64 prosent fyri at broyta hjúnabandslóg

21.04.2016 - 11:44
AktueltSamfelag
Kanning: 64 prosent fyri at broyta hjúnabandslóg
Tveir triðingar av føroyingum taka undir við, at samkynd kunnu giftast borgarliga, vísir kanning, sum Kringvarpið og Miðlahúsið hava latið gera
 

Meginparturin av føroyingum tekur undir við, at tvey av sama kyni kunnu giftast borgarliga. 

Tað vísir nýggj meiningakanning, sum Gallup hevur gjørt fyri Kringvarpið og Miðlahúsið.

532 tilvildarliga valdir persónar, eldri enn 18 ár, eru spurdir, um teir taka undir við, at hjúnabandslógin verður broytt soleiðis, at tvey av sama kyni kunnu giftast borgarliga.

64 prosent fyri

64 prosent svara, at tey eru fyri borgarligari vígslu av samkyndum, meðan 30 prosent eru ímóti. Fimm prosent siga seg ikki vita.

Eins nógvar kvinnur og menn eru fyri, og serliga yngri bólkurin av føroyingum tekur undir við, at samkynd kunnu verða borgarliga vígd.

Av teimum, sum eru millum 18 og 24 ár, svara 79 prosent, at tey eru fyri, og 15 prosent eru ímóti.

Í bólkinum 25 til 39 ár eru 76 prosent fyri og 19 prosent ímóti. Tá aldursbólkurin hækkar, minkar munurin. Av teimum, sum eru 60 ár og eldri, eru 53 prosent fyri og 40 prosent ímóti. 

Flest í Suðurstreymi

Býtt yvir alt landið eru flest fyri í Suðurstreymi, og fægst eru fyri í Norðoyggjum. 

Í Suðurstreymoy eru 79 prosent fyri, og í Sandoynni eru 75 prosent fyri. Í Norðoyggjum eru 45 prosent ímóti, og 43 prosent eru ímóti í Eysturoynni.

89 prosent av framsóknveljarum eru fyri, 83 prosent av tjóðveldisveljarum, 75 prosent av javnaðarveljarum, 62 prosent av veljarunum hjá Nýggjum Sjálvstýri, og 50 prosent av veljarunum hjá bæði Sambandsflokkinum og Fólkaflokkinum eru fyri.

Hjá Miðflokkinum eru 16 prosent fyri og 84 prosent ímóti.

90 prosent at teimum, sum í dag eru 18 ár, men sum ikki høvdu valrætt seinast, siga seg vera fyri. 

Meiningakanningin varð gjørd frá 16. til 19. apríl.

 
Nýggjastu sendingar í ÚV
Týsdag 15. oktober
Morgunlestur týsdagur 15. oktober 2019
99840
Mánadag 14. oktober
Norðurljóð 14. oktober 2019
99386
Mánadag 14. oktober
Átta ár við Lars - hvat nú?
99860
Mánadag 14. oktober
Óhoyrt: Føroysk heimspremiera
99854
Mánadag 14. oktober
Við Tórði á túr á heystardegi
99851
Nýggjastu sendingar í SV
Mánadag 14. oktober
3-2
99875
Sunnudag 13. oktober
Andakt við Mourits Mouritsen
99826
Sunnudag 13. oktober
Guðstænasta úr Argja kirkju
99828
Hósdag 10. oktober
Suni Merkistein hittir Bob Geldof
99745
Mikudag 9. oktober
Fótbóltur: Føroyar - Norra (kvinnur)
99695