Revsa lond ið siga »nei« til flóttafólk

Revsa lond ið siga »nei« til flóttafólk
Lond í ES, sum ikki vilja taka ímóti sínum parti av flóttafólkum, kunnu rokna við at fáa stóra bót. Bøturnar verða stórar
ES-lond, sum ikki vilja taka ímóti sínum parti av flóttafólkum, fáa tvær milliónir í bót fyri hvørt flóttafólk, tey ikki taka, skrivar eitt bretskt blað
 
04.05.2016 - 10:52

Talan verður um tvær milliónir krónur í bót fyri hvørt flóttafólk. Tað skrivar bretska blaðið, Financial Times, sum hevur embætisfólk í Brússel sum keldu.

ES-nevndin fer at almannakunngera nýggju skipanina í dag, skrivar blaðið. ES-londini vórðu annars samd um at taka ímóti ávísum tali av flóttafólkum í fjør.

Men tá streymurin av flóttafólkum vaks í stórum, kom stígur í, tí fleiri lond søgdu seg ikki hava ráð at taka ímóti so nógvum flóttafólkum, sum talan kundi gerast um.

Flóttafólkstreymurin nógv minkaður

Streymurin av flóttafólkum er nógv minkaður, síðani Turkaland í mars gekk við til at taka ímóti flóttafólkum sum ikki fingu uppihaldsloyvi í Grikkalandi, samstundis sum ES-londini skuldu taka ímóti 72.000 flóttafólkum, sum eru í legum í Turkalandi.

ES gekk samstundis við til at stuðla Turkalandi fíggjarliga, og at gera tað lættari hjá turkum at sleppa til ES.

Financial Times skrivar, at fýra embætisfólk í Brússel hava váttað, at talan verður um bøtur sum eru næstan tvær milliónir kr. fyri hvørt flóttafólk, um ES-londini ikki vilja góðtaka avtaluna sum er gjørd við Turkaland.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585