ES-forsetin á loyniligari vitjan í Grønlandi

ES-forsetin, Donald Tusk úr Póllandi, fer til Grønlands í næstu viku og við honum í ferðini verður danski forsætisráðharrin, Lars Løkke Rasmussen.

Teir skulu á ein fund í Ilulissat týsdagin, har sum Kim Kielsen, landsstýrisformaður, er vertur, veit KNR, grønlendska kringvarpið, at siga.

Men KNR fær einki at vita um ørindini hjá Tusk í Grønlandi. Landsstýrið vil hvørki vátta ella avsanna, at Donald Tusk og Lars Løkke Rasmussen koma til Grønlands í næstu viku.