Sigfríður Clementsen venjari hjá TB

06.06.2016 - 12:08
ÍtrótturFótbóltur
Sigfríður Clementsen venjari hjá TB
Sigfríður Clementsen og TB hava undirskrivað sáttmála í dag
 
 

Tað verður Sigfríður Clementsen, ið skal standa á odda fyri TB restina av kappingarárinum.

Sáttmálið, sum er galdandi fyri tað sum er eftir av hesum kappingarárinum, bleiv undirskrivaður í dag.

TB hevur leitað eftir nýggjum venjara, eftir at hollendarin, Robert Roelofsen, segði seg úr starvi.

TB skal yvirliva

Sigfríður Clementsen sigur við kringvarpið, at soleiðis sum tað sær út á stigatalvuni, er uppgávan hjá honum fyrst og fremst, at TB varðveitir plássið í deildini.

- Hetta er ein spennandi avbjóðing, og eg vænti at botnstríðið verður ikki avgjørt fyrr enn móti endanum av árinum. Men vit hava ein góðan møguleika at yvirliva, sigur Sigfríður Clementsen.

TB hevur mist nakað av fólki, og Sigfríður Clementsen sigur, at hann kundi hugsað sær, at felagið fekk styrk, men tað er upp til nevndina at taka sær av tí.

-Eg venji teir, sum eg havi tøkar, sigur Sigfríður Clementsen

TB liggur í løtuni á áttanda plássi í Effodeildini við tíggju stigum. Teir eru eitt stig frammanfyri AB, sum er beint undir niðurflytingarstrikuni.

Nýggjastu sendingar í ÚV
Nýggjastu sendingar í SV
Mánadag 21. januar
Heimleys á Instagram (1:2)
90207
Mánadag 21. januar
Heimleys á Instagram (2:2)
90209
Mánadag 21. januar
Hugo og Helmig (3:4)
89913
Mánadag 21. januar
Bella loggar inn (2:7)
90072
Mánadag 21. januar
Kotan til kærleika (1:8)
90266