Minni útgoldið í pensjónum

Til 1. juli fóru 242,2 milliónir krónur í fólkapensjónum úr landskassanum. Tað eru 6,4 milliónir minni enn fyrra hálvárið í fjør

Tá skal fyrivarni takast fyri, at roknskapirnir fyri mai og juni í ár eru ikki lokaðir enn. Samgongan samtykti at lækka grundupphæddina í fólkapensjónini og hækka útgjaldið úr Samhaldsfasta.

Tá segði landsstýrið, at landskassin fór at spara 42 milliónir krónur í fólkapensjón í ár, tá hækkaða viðbótin í pensjónini er tald við.