Steingja fyri dálkandi skipum

Steingja fyri dálkandi skipum
Føroyar vera ikki leingi afturat fríøki hjá dálkandi skipum, sigur landsstýriskvinnan í umhvørvismálum
 
11.07.2016 - 08:40

Sambært svarinum hjá Sirið Stenberg, landsstýriskvinnu í umhvørvismálum, vera Føroyar ikki leingi afturat fríøki hjá dálkandi skipum.

Tað sigur hon í svari til Kristionnu Winther Poulsen, løgtingskvinnu, ið spurdi, nær Føroyar fara at seta skipum somu krøv sum grannalondini hava um at avmarka luftdálkingina.

Kunngerðin skal dagførast

Sirið Stenberg svarar, at hon hevur sett arbeiðið at smíða kunngerð um luftdálking frá skipum í gongd. Miðað verður eftir at hava eitt uppskot klárt í næstum.

Altjóða reglur um luftdálking frá skipum eru í einum sáttmála, sum Føroyar hava tikið undir við. Tí noyðast Føroyar at áseta reglur um luftdálking frá skipum samsvarandi altjóða krøvum.

Dømi eru um útlendsk skip, sum liggja millum oyggjarnar í Føroyum og bíða eftir farmi, tí her er loyvt at dálka meira enn aðrastaðni, har hesi skip plagdu at bíða eftir farmi.

Er kopiera
Nýggjastu sendingar í ÚV
Nýggjastu sendingar í SV
Mikudag 11. juni
Dagur og vika - teknmálstulkað
193101
Týsdag 10. juni
Veðrið
193072
Sunnudag 8. juni
Andakt við Bergi Debes Joensen
192984
Sunnudag 8. juni
Guðstænasta úr Havnar kirkju
192979