Stúra fyri at ILA er í hesum aliringunum

Tað var í samband við regluligt eftirlit hjá Heilsufrøðiligu Starvsstovuni á aliøkinum í Hvannasundi, at Heilsufrøðiliga Starvsstovan fekk illgruna um sjúkuelvandi virusið

Illgrunin kemur eftir, at kanningarúrslit í einum aliringi geva ábendingar um, at HPR-del ILA virus er í fiskinum, sigur Bakkafrost í tíðindaskrivi í kvøld.

Fyrireika seg at fremja tiltøk

Heilsufrøðiliga Starvsstovan fer teir næstu dagarnar at gera nærri kanningar á aliøkinum A-73 í Hvannasundi. Tey úrslitini verða klár um nakrar dagar.

Í aliøkinum Hvannasund Norður eru 1,2 milliónir fiskar, sum hava eina miðalvekt uppá 0,54 kilo. Øll nøgdin er umleið 665.

Bakkafrost sendir nýggja fráboðan út tá endaligu úrslitini eru klár, og niðurstøða verður gjørd um, hvussu farast skal fram, sigur fyritøkan í tíðindaskrivinum.