SavnsGull

bannari
15.07.2016 - 09:14
Annað
SavnsGull
Verkætlanin at bjarga savninum í Kringvarpinum
Mynd: Savnsmynd  
 
 

Savnið í Kringvarpi Føroya skal og má bjargast. Mentanin, Føroya søga og søgurnar hjá tjóðini sum heild eru við at hvørva. Bandmaskinur eldast, og tær fáast ikki til keyps longur, ljóðið og myndirnar hvørva, tí bondini forfarast.

Tann støra avbjóðingin er at fáa tilfarið talgilt, áðrenn tað er ov seint.

Missión
At bjarga øllum savninum.

Visjón
Við tíðini skal almenningurin hava atgongd til savnið, og harvið skal Kringvarp Føroya verða fremsti mentanarberi á økinum.

Savnið
Í stuttum inniheldur savnið tilfar um stórt sæð alt, sum er hent í Føroyum, síðan 6. februar 1957, tá Útvarp Føroya varð sett á stovn, fram til dagin í dag. Í apríl 1984 varð Sjónvarp Føroya sett á stovn, og síðan tá hevur nærum alt, ið er hent í Føroyum síðan, verið goymt á livandi myndum.

Í einari lítlari tjóð sum Føroyum, hava tíðindafólk fortalt søgurnar – um innan- og uttanlandspolitik, handil, mentan o.a.. Ein stórur partur av senditíðini hevur eisini endurspeglað gerandisdagin hjá okkum føroyingum. Nærum øll í Føroyum hava eitt brot í Kringvarpssavninum, ið er teirra, antin tey sjálvi ella teirra nærmastu eru við.

Hetta er eitt savn, ið tjóðin kann standa saman um. Og tað kann eisini savna okkum sum familja, har vit kunna hoyra og síggja okkara nærmastu.

Savnið í Kringvarpi Føroya kann savna Føroya fólk – um tað verður bjargað! 

 

Nýggjastu sendingar í ÚV
Týsdag 24. apríl
Nón - TemaTýsdagur, Grønland
80214
Mánadag 23. apríl
Norðurljóð 23.apríl 2018
80170
Mánadag 23. apríl
Meg minnist: Niels Nattestad (3:4)
80140
Sunnudag 22. apríl
Guðstænasta í Argja kirkju
80126
Nýggjastu sendingar í SV
Mánadag 23. apríl
3-2
80181
Sunnudag 22. apríl
Møti úr Ebenezer í Havn
80107
Sunnudag 22. apríl
Andaktin
80122
Fríggjadag 20. apríl
Lyst 14
79977
Hósdag 19. apríl
Gud signi Føroyar 6:6
79994