Tilboðini vóru ov høg

23.07.2016 - 14:10
AktueltPengar
Tilboðini vóru ov høg
Arbeiðið verður boðið út aftur í heyst at byggja Skúlan á Fløtum
 
 

Tilboðini vóru ov høg, og tí hevur Tórshavnar kommuna nú strikað útboðið av arbeiðinum at byggja Skúlan á Fløtum.

Arbeiðið verður boðið út aftur í heyst.

Í mai vórðu trý byggifeløg og samtøk undangóðkend til at bjóða upp á arbeiðið at byggja Skúlan á Fløtum.

29.juni vórðu tilboðini latin upp.

P/F Articon og Sp/f Búsetur bjóðaðu slakar 294 mió. kr, SP/F TG Verk segði seg kunna byggja fyri slakar 276 mió. kr. og P/f MT  Højgaard Føroyar bjóðaði 273 mió. kr. 

Men kostnaðarmetingin hjá kommununi sigur 247,864 milliónir krónur, góðar 25 milliónir lægri enn lægsta boð.

Bygginevndin fyri skúlan hevur staðfest tilráðingina frá teknisku fyrisitingini hjá kommununi um at strika útboðið, tí samanumtikið ikki er ikki nóg gott grundarlag fyri at halda fram at samráðast við felagið, sum hevur lægsta boðið.

Byggingin verður boðin út aftur í heyst. 

Nýggjastu sendingar í ÚV
Nýggjastu sendingar í SV
Mikudag 27. mars
25 minuttir: Linda Mortansdóttir
92545
Mánadag 25. mars
Hondboltur hálvfinala: H71 - VÍF
92677
Sunnudag 24. mars
Andaktin
92675