Kjak um fiskivinnunýskipanina

bannari
Kjak um fiskivinnunýskipanina
Nýskipanarnevndin hevur sent sínar niðurstøður til hoyringar, og kjakið fer mest at snúgva seg um tilfeingisrentuna.
Mynd: Savnsmynd  
 
20.09.2016 - 16:00

Øll fiskirættindi eru uppsøgd, og í 2018 verða aðrar treytir galdandi - men hvørjar? Tað skal Løgtingið avgera.

Royndir hava verið gjørdar at fáa politiska semju um spurningin, men tað hevur ikki eydnast.

Samgongan, sum skipaði landsstýri fyri einum ári síðani, setti eina nevnd at koma við tilmælum, og tey eru nú farin til hoyringar.

Evnið er tilfeingisrentan

Kjakið tekur støði í arbeiðssetninginum hjá nevndini, sum sigur, at farast skal frá privatari sølu av loyvum og fiskirættindum, og at farast skal frá politiskari útluting av fiskirættindum til eina marknaðargrundaða skipan.

Endamálið er, at tilfeingisrentan gerst so optimal sum gjørligt, og at størst møguligur partur av tilfeingisrentuni fellur til landið, stendur í arbeiðssetninginum.

Gestir í kjakinum eftir Dag og Viku eru búskaparfrøðingarnir Johnny í Grótinum, formaður í nevndini, og Jóannes Jacobsen, sum í fleiri ár hevur verið talsmaður fyri, at landið fær tilfeingisrentu fyri loyvini at fiska.

Bogi Godtfred leggur til rættis.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585
Mikudag 27. mars
Frætt og fregnað 1 (3:3)
172858