Málið komið í Løgtingið

Rigmor Dam, landsstýriskvinna, skeyt upp upprunaliga upp at játta 13 milliónir krónur til eina jarðhitaskipan í Glasi.

Men síðani hava Umhvørvisstovan, Landsverk, SEV og Fjarhitafelagið mælt til, at bæði jarðhiti og fjarhiti verða í nýggja skúladeplinum. Íløgan í hesa samansettu hitaskipanina er mett til átta milliónir krónur.

SÍ EISINI Ein blandað hitaloysn

Jarðhiti skal veita orku til lághitaskipanina, og fjarhiti skal veita orku til háhitaskipanina. Fíggjarnevndin, sum viðger uppskotið hjá Rigmor Dam, hevur sett Landsverki fleiri spurningar málinum.

Nevndin spyr millum annað, hvussu stórur partur av orkunýtsluni kemur frá ávikavist fjar- og jarðhita í samansettu loysnini, og hvussu stórar rakstrarútreiðslurnar verða.

Spurt verður eisini, hvussu stórt CO2-útlátið verður í samansettu loysnini.