- Tíðindi, mentan og ítróttur
SAS byrjar føroyaflúgving
SAS byrjar føroyaflúgving
Síðst í mars næsta ár fer SAS at flúgva millum Keypmannhavn og Vágar, skrivar danski netmiðilin check-in.dk í morgun
SAS byrjar føroyaflúgving síðst í mars. Ætlanin er at flúgva eina ferð um dagin, skrivar danskur netmiðil
11.10.2016 - 07:58
Flúgvingin byrjar, sambært check-in.dk, tann 27. mars. SAS ætlar at flúgva eina ferð um dagin allar dagar í vikuni við Airbus A319, sum tekur 141 ferðafólk, og Airbus A320, sum tekur 168 ferðafólk.
Lars Sandahl Sørensen, stjóri í SAS, sigur við check-in.dk, at viðskiftafólk hjá SAS hava leingi spurt, nær SAS fer at flúgva til Føroya.
Hann heldur, at marknaðurin er nóg stórur til tvey flogfeløg, Atlantic Airways og SAS. Maersk Air gavst at flúgva til Føroya í oktober í 2004.
Eitt stutt skifti í 2006 fleyg FaroeJet millum Føroya og Danmarkar, men annars hevur Atlantic Airways verið einsamalt um boðið í 12 ár.
Er kopiera
Nýggjastu sendingar í ÚV
Nýggjastu sendingar í SV
