Ikki umrøtt málið

Allar kommunurnar eiga SEV, og allar kommunur eru í Kommunufelagnum. Eyðun Christiansen, stjóri í Kommunufelagnum, sigur, at har er hetta málið hjá SEV als ikki umrøtt.

Men fríggjadagin verður borgarstjórafundur, har sum allar kommunur vera umboðaðar. Málið um stórarbeiðið hjá SEV, sum ikki er boðið út, er ikki á skránni fyri fundin.

SÍ EISINI Halda seg vera fyri vanbýti

Men tað kann væl vera, at tað verður viðgjørt kortini, tí orðið er frítt á fundinum, sigur Eyðun Christiansen. Hóast kommunurnar eiga SEV, er ikki beinleiðis samband millum SEV og Kommunufelagið.

Aðalfundurin hjá SEV er hægsti myndugleikin. Á aðalfundinum eru umboð fyri allar kommunur. Tey velja sjey kommunustýrislimir úr øllum landinum í nevndina, sum er yvirstjórnin hjá SEV.