Trý úr Føroyum í uppskoti

Trý úr Føroyum í uppskoti
Tveir føroyskir rithøvundar og ein tónleikabólkur eru í uppskoti at verða heiðrað, tá Norðurlandaráðið letur árligu virðislønirnar í kvøld
Carl Jóhan Jensen er ein av teimum, sum er í uppskoti at fáa virðisløn, tá Norðurlandaráðið í kvøld letur sínar árligu virðislønir. Hetta er fimtu ferð, at Carl Johan Jensen er tilnevndur Bókmentavirðisløn Norðurlandasráðsins
 
01.11.2016 - 09:02

Carl Jóhan Jensen, Bárður Oskarsson og tónleikabólkurin Orka eru øll í uppskoti, nú Norðurlandaráðið letur sínar árligu virðislønir á hátíðarhaldi í Keypmannahavn í kvøld.

Carl Jóhan Jensen er í uppskot til norðurlendsku bókmentavirðislønina fyri skaldsøguna "Eg síggi teg betur í myrkri. Forspæl til ein gleðileik," sum hann gav út í 2014. 

SÍ EISINI Hann kann fáa bókmentavirðislønina 2016

Bárður Oskarsson er í uppskoti at fáa norðurlendsku barna- og ungdómsvirðislønina fyri barnabókina "Stríðið um tað góða grasið," sum hann gav út í 2012. 

tónleikabólkurin Orka er í uppskoti til tónleikavirðisløn Norðurlandaráðsins fyri útgávuna Leipzig, sum kom út í 2014. Virðislønirnar hjá Norðurlandaráðnum er 350.000 krónur.

Framføra nýggjan tjóðsang

Í fjør vann SEV náttúru- og umhvørvislønina hjá Norðurlandaráðnum. Tí verður tað stjórin í SEV, Hákun Djurhuus, sum fer at handa hesa virðislønina í ár. 

Harumframt verður nýggi, norðurlendski tjóðsangurin Nordika framførdur fyrstu ferð við hátíðarhaldið í kvøld. Sunleif Rasmussen hevur gjørt lagið til Nordika.

Hátíðarhaldið verður í konserthøllini hjá danska kringvarpinum klokkan 19 í kvøld føroyska tíð, og kann síggjast beinleiðis á kvf.fo.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (2:3)
40585
Mikudag 27. mars
Frætt og fregnað 1 (1:3)
40584