Trump: Clinton fekk nógvar ólógligar atkvøður

Hóast Hillary Clinton fyribils hevur fingið tvær milliónir fleiri atkvøður enn komandi amerikanski forsetin, tvíheldur Trump kortini um, at hann hevur vunnið forsetavalið 8. november, tá talan er um persónligar atkvøður.

Á Twitter skrivar komandi forsetin, Donald Trump, at fleiri ólógligar atkvøður eru grundin til, at Hillary Clinton hevur fingið fleiri persónligar atkvøður enn hann.

Greinin heldur fram niðanfyri

In addition to winning the Electoral College in a landslide, I won the popular vote if you deduct the millions of people who voted illegally

— Donald J. Trump (@realDonaldTrump) November 27, 2016

- Umframt at vinna stórsigur, tá talan er um valfólk, vann eg eisini sjálvt valið, um tú dregur øll millióntals fólkini, sum hava atkvøtt ólógligt, frá, skrivar Donald Trump.

Donald Trump skrivar tó ikki, hvat hann sipar til, tá hann skrivar "ólógligt." Nakrar tímar seinni skrivar Donald Trump aftur:

- Alvorligt svik við atkvøðum í Virginia, New Hampshire og Kalifornia, hví skriva fjølmiðlar ikki um tað? Stórur trupulleiki.

Greinin heldur fram niðanfyri

Serious voter fraud in Virginia, New Hampshire and California - so why isn't the media reporting on this? Serious bias - big problem!

— Donald J. Trump (@realDonaldTrump) November 28, 2016

Uppteljingin er framvegis í gongd í USA. Clinton kann enda við at fáa 2,5 milliónir fleiri atkvøður enn Trump, tá allar atkvøður eru taldar skrivar Reuters.

Men restin av uppteljingini er bara til at prýða seg við. Donald Trump hevur fingið greiðan meiriluta í serligu amerikonsku valskipanini, har tú vinnur eitt tal av valfólki frá amerikonsku deilstatunum og økjunum.

Donald Trump vann meirilutan á forsetavalinum í USA 8. november. Tað vil siga í minsta lagi 270 valfólk, og tí vann hann á Hillary Clinton.

Uppáhaldið ikki prógvað

Í sonevnda Rust-beltinum, sum eru fimm statir í landnyrðingspartinum í USA, vann Donald Trump týdningarmiklar ídnaðarstatir, eitt nú Ohio og Pennsylvania.

Sambært Reuters, hevur Trump eingi prógv fyri sínum uppáhaldi, at sigurin hjá Clinton í atkvøðum eru ólógligar atkvøður.

Republikanararnir hava fingið 290 valfólk, meðan demokratarnir hava fingð 232 valfólk.