- Tíðindi, mentan og ítróttur
Flóttafólk rýma úr Týsklandi
Flóttafólk rýma úr Týsklandi
55.000 flóttafólk og tilflytarar eru sjálvboðin flutt úr Týsklandi í ár. Tað eru tvífalt so mong, sum eru víst av landinum
Metnógv flóttafólk og tilflytarar eru sjálvboðin flutt úr Týsklandi í ár, tvífalt so mong, sum eru víst av landinum
29.12.2016 - 09:16
Flestu flóttafólkini eru farin aftur til vestara part av Balkan, skrivar týska dagblaðið, Süddeutsche Zeitung, á heimasíðuni hjá blaðnum.
Størsti bólkurin eru albanar, sum telja 15.000. 5.000 eru úr Serbia og somuleiðis 5.000 úr Kosovo og Irak.
Metnógvar umsóknir um friðskjól
Í fjør setti talið á fólki, sum søktu friðskjól í Týsklandi, met, tá 890.000 umsóknir komu til myndugleikarnar.
Í ár hevur Týskland víst 25.000 tilflytarum av landinum. Sum heild hava fólk, sum koma úr vestara parti av Balkan, ikki rætt til uppihald í Týsklandi.
Týsku myndugleikarnir siga, at vaksandi tal av asylsøkjarum eisini flyta sjálvboðin aftur til Afghanistan, Iran og Irak.
Er kopiera
Nýggjastu sendingar í ÚV
Nýggjastu sendingar í SV
