Hesar fáa nú uppreisn

04.01.2017 - 11:45
AktueltTøkni
Hesar fáa nú uppreisn
Ikki síðani 1991 vórðu seldar so nógvar LP-plátur, sum tað vórðu í 2016. Vinylpláturnar, sum annars vóru á veg út, ganga nú aftur sum heitt breyð
Sølan av LP-plátum hevur nú aftur tikið dik á seg. Sølan í 2016 var tann mesta, hon hevur verið í 25 ár
Mynd: Savnsmynd  
 
 

Heldur tú, at tíðin var farin frá vinylplátunum, so fert tú skeivur. Stóru, svørtu pláturnar, sum eru gjørdar av vinyl, eru aftur á veg inn í hitan.

Sølan av LP-plátum tók í 2016 veruligt dik á seg aftur. Ikki síðani 1991 vórðu seldar so nógvar vinylplátur, sum tað vórðu í 2016, skrivar The Guardian.

Til samans vórðu seldar 3,2 milliónir LP-plátur í 2016. Tað er 16 ferðir so nógv sum í 2007, tá ferð veruliga kom á søluna av talgildum tónleiki.

SÍ EISINI Óvist hvussu nógv landið missir

Minst 30 LP-útgávur vórðu í 2016 seldar í meira enn 10.000 eintøkum, í andsøgn við 2007, tá bara 200.000 LP-plátur vórðu seldar til samans í øllum heiminum.

- Eldri fólk venda nú aftur til vinylplátur, og yngra ættarliðið hevur eisini fingið eyguni upp fyri plátum, sum tey ikki hava gjørt fyrr, sigur ein talskvinna í vinnuni.

Warner Music, eitt av heimsins størstu útgávufeløgum, sum eisini útgevur LP-plátur, hevur júst kunngjørt størsta yvirskotið í átta ár, skrivar The Guardian.

Nýggjastu sendingar í ÚV
Sunnudag 3. juni
Tilvera - Tað ónda 2 (2)
9247
Sunnudag 27. mai
Guðstænasta úr Húsavíkar Kirkju
81259
Sunnudag 27. mai
Jazzofonin 23 mei 2018
81256
Sunnudag 27. mai
Jazzofonin 16 mei 2018
81255
Sunnudag 27. mai
Bolero 27 mei 2018
81254
Nýggjastu sendingar í SV
Sunnudag 27. mai
Andaktin
81248
Mánadag 21. mai
Hamferð - útgávukonsert
81054
Mánadag 21. mai
Andaktin
81074