Bretar nýggjan ES-sendiharra

Talan er um roynda diplomatin, Tim Barrow, sum fær ein avgerandi leiklut, tá samráðingarnar ímillum Bretland og ES um Brexit byrja.

Tim Barrow var bretskur sendiharri í Ruslandi frá 2011 til 2015, og hevur harumframt verið ráðgevi hjá fleiri bretskum uttanríkisráðharrum.

SÍ EISINI Vil hava eina fólkaatkvøðu afturat

Í mars í fjør tók hann við sum politiskur stjóri í bretska uttanríkisráðnum, og hevur eisini verið skrivari hjá bretsku sendinevndini í Brússel.

Ivan Rogers hevur einki sagt um, hví hann legði frá sær, men í einum skrivi til starvsfólkini skal hann hava funnist at framferðini hjá bretsku stjórnini uppundir samráðingarnar við ES.

Greinin heldur fram niðanfyri

I welcome the resignation of UK ambassador to Brussels, Ivan Rogers. The Foreign Office needs a complete clear out.

— Nigel Farage (@Nigel_Farage) January 3, 2017

Tað hevur Ivan Rogers gjørt tí sjálvt ikki tey ovastu embætisfólkini vita nakað um, hvat Bretland fer at leggja dent á undir samráðingunum.

Ivan Rogers, ið hevur sagt seg úr starvinum, sigur seg eisini ivast í einum góðum úrsliti fyri Bretland, tí ES hevur fleiri roynd samráðingarfólk enn bretar hava.

Theresa May, forsætisráðharri, hevur boðað frá, at samráðingarnar ímillum Bretland og ES byrja áðrenn mars mánaður er liðin.