Sí upptøkuna: Her kolast Vesturland upp

08.01.2017 - 12:18
Aktuelt112
Sí upptøkuna: Her kolast Vesturland upp
Brimil og Vædderen hava í nátt roynt at sløkkja eldin umborð á Vesturlandi til fánýtis. Í nátt varð roynt at basa eldin við skúmi
Soleiðis sá út umborð á Vesturlandi í nátt, tá manningin á Brimli royndi at basa eldinum við skúmi. Sí alla upptøkuna í greinini her
Mynd: © Vørn/Brimil  
 

Tað logar enn umborð á skipinum Vesturlandi, og tað hevur tað eisini gjørt í útivið eitt samdøgur síðani eldur kom í skipið á døgurða leygardagin.

Sí upptøkuna niðanfyri

Brimil og Vædderen liggja hjá skipinum, og skipini hava í nátt roynt at basa eldinum á skipinum við at sproyta skúm á skipið men higartil til fánýtis.

Hitin frá eldsbrunanum á Vesturlandi er so mikið nógvur, at tað er avmarkað, hvussu nær Brimil slapp skipinum, tá skúm í nátt varð sproytað á skipið.

Greinin heldur fram niðanfyri

Upptøka: Vørn/Brimil

10 mans vóru við Vesturlandi, tá eldur kom í skipið um middagsleitið leygardagin. Einki skip var nær nærhendis, so tyrla varð send til skipið.

Bjargingartyrllan kom stutt fyri klokkan 15 á Landssjúkrahúsið við manningini, sum varð innløgd til kanningar fyri roykeitran eftir eldsbrunan á skipinum.

Skipið varð bygt á Tórshavnar Skipasmiðju í 1970, og er 31,7 metrar langt, sambært Teyggjuni. Tað er P/f Thor í Hósvík, sum eigur Vesturland.

 
Nýggjastu sendingar í ÚV
Mánadag 3. august
Umhvørvið og eg - klæðir
111635
Sunnudag 2. august
Frá stríðsárunum (5:15)
110845
Sunnudag 2. august
Samfelagsmøti hjá Brøðrasamkomuni
111922
Nýggjastu sendingar í SV
Hósdag 30. juli
Midnáttarsangur
111814
Mikudag 29. juli
Upp á gólv
111810
Mikudag 29. juli
Á ólavsøku 2:2
111809
Mikudag 29. juli
Tingið verður sett
111807