VW-stjóri tikin í USA

Í 2014 og 2015 stóð Oliver Schmidt, ið samveldisløgreglan nú hevur tikið, á odda fyri skrivstovuni hjá Volkswagen í USA.

Amerikanskir myndugleikar løgdu týsku bilverksmiðjuna undir at hava givið skeivar tekniskar frágreiðingar um, hvussu nógv dieselbilar hjá Volkwagen dálka.

Greinin heldur fram niðanfyri

The FBI has arrested a Volkswagen executive who faces charges of conspiracy to defraud the U.S., sources said https://t.co/66oe81GdWe

— The New York Times (@nytimes) January 9, 2017

Umhvørvismyndugleikarnir í USA avdúkaðu í september, at Volkswagen hevði svikað við 11 milliónum bilum í USA.

Dieselbilarnir eru útgjørdir við ritbúnaði, software, sum vísir, at bilarnir ikki dálka so illa, sum teir í veruleikanum gera.

Í 2015 viðurkendi Oliver Schmidt, at Volkswagen-bilarnir dálka meira enn royndir við ritbúnaðinum vísa.

Ein hevur longu játtað seg sekan

Ein verkfrøðingur, ið starvaðist hjá Volkswagen, hevur játtað seg sekan í sviki, men tað er ikki fyrr enn nú, at stjórin er tikin, at leiðslan í Volkswagen í USA eisini verður kannað.

Amerikanska verjumálaráðið og Volkswagen eru um at vera samd um endurgjald fyri tvær millardir dollarar, sambært New York Times.

Volkswagen vil hava málið avgreitt, áðrenn Donald Trump verður tikin í eið sum amerikanskur forseti 20. januar. Væntandi fara partarnir at skriva undir avtaluna í næstu viku, skrivar blaðið.