Skaðar fyri 75 milliónir

16.01.2017 - 12:21
AktueltVinna
Skaðar fyri 75 milliónir
Tryggingarfelagið Føroyar og Trygd eru liðug við skaðauppgerðirnar frá ódnunum á jólum. Meira enn 3.300 skaðar vórðu fráboðaðir
Tey bæði tryggingarfeløgini hava fingið meira enn 3.300 skaðafráboðanir eftir ódnirnar á jólum. Skaðarnir kosta teimum umleið 75 milliónir krónur
Mynd: © Lesaramynd: Regin Thomsen  
 
 

Tryggingarfeløgini skulu til samans rinda umleið 75 milliónir krónur í skaðum til kundarnar eftir jólaódnirnar millum jól og nýggjár.

Tað vísa uppgerðir sum Tryggingarfelagið Føroyar og tryggingarfelagið Trygd hava gjørt av skaðum higartil, sambært útvarpinum.

Tryggingarfeløgini vænta ikki nógv fleiri skaðafráboðanir. Tær, sum koma aftrat, hava ikki stórvegis týdning fyri upphæddina, tryggingarfeløgini skulu rinda út.

Meira enn 3.300 fráboðanir

Tryggingarfelagið Føroyar hevur fingið 2335 fráboðanir um skaðar, og skaðarnir fara at kosta 40-45 milliónir krónur, sigur Heðin D. Poulsen deildarstjóri fyri skaðaøkið.

Tryggingarfelagið Trygd hevur fingið 1011 fráboðanir um skaðar. Fráboðaninar fara at kosta Trygd líka yvir 30 milliónir krónur.

Bæði tryggingarfeløgini siga, at talið av skaðum er rættiliga stórt, og at talan mest hevur verið um smærri skaðar. 

Tryggingargjaldið hækkar ikki

Stórsti skaðin hjá Tryggingarfelagnum Føroyar kostar eitt sindur yvir eina millión at umvæla, meðan nógv stórsti skaðin hjá Trygd er rættiliga nógv størri. 

Talan er nevniliga um vinnubygningin hjá KJ Hydraulik á Kambsdali, sum fór sera illa í jólaódnunum

Tryggingarfeløgini siga, at mongu stormskaðarnir eftir jólaóndunum fara ikki at hava hægri tryggingargjøld við sær.

Nýggjastu sendingar í ÚV
Mikudag 12. desember
Valstríð og grundgevingar
88868
Mikudag 12. desember
Jóngerð Midjord er gestur í Dansivali
88855
Mikudag 12. desember
Mono 12 des 2018
88849
Mikudag 12. desember
Leygardagur 08.12.18
88848
Mikudag 12. desember
Góðan morgun Føroyar 111218
88844
Nýggjastu sendingar í SV
Sunnudag 9. desember
Andaktin
88722
Sunnudag 9. desember
Møti úr Betesda í Klaksvík
88713
Leygardag 8. desember
Hvat bagir? (6:8)
87235
Fríggjadag 7. desember
Lyst 24
88747
Fríggjadag 7. desember
Úr savninum: Flak til tann kræsna 4:5
88668