Donald Trump fyrsta arbeiðsdag í Hvítu húsunum

Sonevndi Women's March er eitt mótmæli um, at kvinnur, samkynd, tilflytarar, muslimar og aðrir samfelagsbólkar hava kent seg vanvirdar í valstríðnum.

Tað skrivar Danmarks Radio.

Stórsta mótmælisgongan er í Washington D.C. nærhendis US Capitol, og væntandi koma fleiri enn 2000 bussar til býin.

Til samanberingar komu færri enn 500 busar við mótmælisfólki í gjár, tá Trump varð tikin í eið.

Fleiri kend andlit luttaka í mótmælisgonguni. Millum onnur sangarin Kate Perry, sjónleikarin Scarlett Johansson og filmsframleiðarin Michael Moore.

Mótmælið í Washington byrjar klokkan 15 okkara tíð, og sjálv gongan verður klokkan 18.

Sambært fyriskiparunum verður mótmælisgongan Women's March hildin í øllum 50 amerikanskum statum og í 60 øðrum londum.