- Tíðindi, mentan og ítróttur
Herda eftirlitið heldur fram
- Tørvurin á trygd og skipaðum viðurskiftum er framvegis stórur, sigur svenski forsætisráðharrin, Stefan Løfven, við svensku tíðindastovuna, TT.
Marknaeftirlitið varð sett í verk síðst í 2015, til tess at minka um talið á teimum, sum bóðu um politiskt friðskjól í Svøríki.
Nógv færri biðja um politiskt friðskjól nú, men kortini hevur Svøríki avgjørt at leingja eftirlitið.
Onnur lond leingja eisini eftirlit
Eisini Danmark boðaði herfyri frá, at marknaeftirlitið millum Danmark og Týskland verður longt í tríggjar mánaðir.
- Tað er avgerandi fyri okkum at leingja eftirlitið, til tamarhald er markinum í Evropa, sigur Inger Støjberg, útlendinga- og integratiónsmálaráðharri í Danmark.
ES-nevndin hevur eisini góðkent, at fimm Schengenlond kunnu leingja marknaeftirlitið upp í tríggjar mánaðir. Seinast, eftirlitið varð longt, róði ES tó framundir, at tað fór at verða seinastu ferð.
Fleiri hava biðið um friðskjól
Eins og Danmark, sleppa Svøríki, Noreg, Týskland og Eysturríki at leingja marknaeftirlitið í tríggjar mánaðir.
400.000 fólk fara um markið millum Svøríki og Danmark hvørja viku. Seinastu fýra vikurnar í fjør vórðu umleið 767.000 fólk kannað við marknaliðini.
231 av fólkunum sluppu ikki um markið, og 13 fólk bóðu um friðskjól, skrivar svenska tíðindastovan, TT.