Ikki ábendingar um spilt kjøt í Føroyum

20.03.2017 - 12:29
AktueltPengar
Ikki ábendingar um spilt kjøt í Føroyum
Hóast vit innflyta nógv kjøt úr Brasilia bendir higartil einki á, at brasilskt neyta- og høsnakjøt, sum ikki er egnað til mannaføði, er endað her
Hvørki í Miklagarði ella í FK siga tey seg hava kjøt, ið kann setast í samband við eina stóra kjøtgølu, sum hevur tikið seg upp í Brasil síðstu dagarnar
Mynd: Savnsmynd  
 
 

Heilsufrøðiliga Starvsstovan hevur ongar afturkallingar fingið um kjøt úr Brasilia, sum ikki er egnað til mannaføði. Tað vil siga, at fyribils er onki, ið bendir á, at kjøtið er innflut til Føroya, nú ein stór matvørugøla hevur tikið seg upp í Brasilia.

Brasilsku mynduleikarnir hava illgruna um, at neyta og høsnakjøt,ið ikki er egnað til mannaføði, er flutt út úr Brasilia og selt, sum matvøra í øðrum londum. Tað sigur DR.

Ein stórur høsnagarður, ið verður rikin av altjóða fyritøkuni BRF, og tvey sláturhús hjá brasilska felagnum Peccin er vorðin stongd. Harumframt eru 21 aðrar verksmiður undir illgruna.

SÍ EISINI Kjøtgøla tekur eg upp í Brasil

Løgreglan í Brasilia hevur illgruna um, at íðnaðurin hevur mutrað fólk frá matvørumynduleikunum, so kjøtið hevur fingið góðkenning at kunna verða til matna. Føroyar innfluttu umleið 180 tons av kjøti úr Brasilia í fjør, tað mesta høsnakjøt.

Men Heilsufrøðiliga Starvsstovan hevur ongar afturkallingar fingið frá danska Fødevarestyrelsen ella úr ES, sigur Laila Jacobsen, deildarleiðari á matvørudeildini hjá Heilsufrøðiligu Starvsstovuni, við útvarpið.

Brasilia er heimsins stórsti útflytari av oksakjøti og høsnarungum, og umleið 150 lond flyta inn kjøt úr Brasilia, sigur Ritzau. Bæði í Miklagarði og í FK verður sagt, at tey hava ikki hesar vørur úr Brasilia.

Nýggjastu sendingar í ÚV
Sunnudag 3. juni
Tilvera - Tað ónda 2 (2)
9247
Sunnudag 27. mai
Tilvera - Tað ónda 1 (2)
9337
Fríggjadag 25. mai
Radarin: Arktis og Public Service
81234
Hósdag 24. mai
Á bátastevnu í Vestmanna
81189
Hósdag 24. mai
Áðrenn Elvis - 240518
81181
Nýggjastu sendingar í SV
Mánadag 21. mai
Hamferð - útgávukonsert
81054
Mánadag 21. mai
Andaktin
81074
Mánadag 21. mai
FM í estetiskum fimleiki
81092
Mánadag 21. mai
Blank 3
80853