Eigarar í Banknordik fáa 300 milliónir krónur

Tey, ið eiga Banknordik, fáa íalt 300 milliónir krónur í vinningsbýti.

Avgerðin at lata óvanliga stóra vinningsbýtið varð endaliga tikin á aðalfundinum, sum varð hildin í høvuðssætinum hjá bankanum á Oknarvegi í Havn í gjárkvøldið.

Ein partur av vinningsbýtinum stavar frá tí, sum kom frá søluni av Vørði og avtøkuni av danska vinnukundavirkseminum.

Stine Bosse heldur fram

Stine Bosse, varð afturvald forkvinna í nevndini.

Eisini Jógvan Jespersen  og Rúni Vang Poulsen vórðu afturvaldir í bankanevndina.

Rúni Vang Poulsen varð seinni afturvaldur at vera næstformaður.

Tvey nýggj andlit eru at finna nevndina. Tey eru Kim Jacobsen og Barbara Pállsdóttir Vang.