Birnumálið: Ákærdi játtar at hava koyrt bilin

26.04.2017 - 17:02
AktueltÚtheimurin
Birnumálið: Ákærdi játtar at hava koyrt bilin
Grønlendingurin, sum er ákærdur fyri at hava dripið Birnu Brjándsdóttir, játtar, at hann koyrdi í einum leigaðum bili við kvinnu í um náttina.
 
 

Býarrætturin í Reykjavík viðgjørdi í gjár revsimálið móti 30 ára gamla grønlendinginum, sum er ákærdur fyri at hava dripið 20 ára gomlu Birnu Brjánsdóttir.

Sambært íslendska fjølmiðlinum, Vísir, játtaði maðurin á rættarfundinum í gjár, at hann hevði koyrt í einum leigaðum bili við einari - møguliga tveimum - kvinnum í um náttina.

Tá hann hevði sett ein av manningini av við trolaran Polar Nanoq, koyrdi hann til eitt annað stað á kajøkinum. 

Sambært vakmyndatólum flutti 30 ára gamli maðurin seg síðani aftur-um á baksetrið, og har var hann í umleið 50 minuttir.

Og tað er her, at løgreglan sigur, at maðurin hevur gjørt seg inn á Birnu Brjánsdóttir.

Rættarlæknar siga í frágreiðing, at ógvusligir skaðar og bløðingar vóru at síggja á líkinum av Birnu.

Svav í bilinum

Ákærdi maðurin sigur, at hann setti genturnar av í eini rundkoyring um 7-tíðina hendan morgunin, og síðani koyrdi hann til eina venjingarmiðstøð, har hann legði seg at sova í bilinum.

Men løgreglan sigur, at vakmyndatól hava ikki sæð bilin við venjingarmiðstøðina.

Løgreglan heldur tvørtur ímóti, at tað var júst tá, at hann koyrdi illa særdu Birnu til at eitt stað úti við havið og tveitti hana á sjógv.

Seinni henda fyrrapartin keypti hann reingeringarevni í einum handli, og um middagsleitið vísa upptøkur frá vakmyndatólum, at maðurin vaskar bilin.

Tøkniligar kanningar vísa, at blóðrestir frá Birnu Brjánsdóttir vóru serliga á baksetrinum. - Men ákærdi vísur aftur, at blóð var á baksetrinum.

Á rættarfundinum í gjár legði løgreglan fram fleiri óbeinleiðis prógv móti 30 ára gamla manninum, - millum annað, at koyrikortið hjá Birnu Brjánsdóttir varð funnið umborð á trolaranum. 

Næsti rættarfundur verður 9. mai, skrivar Vísir.

Nýggjastu sendingar í ÚV
Fríggjadag 20. juli
Morgunlestur fríggjadagin 20. juli 2018
82860
Hósdag 19. juli
Morgunlestur hósdagin 19. juli 2018
82859
Mikudag 18. juli
Summartímin mikudagin 18. juli
83468
Mikudag 18. juli
Summartímin týsdagin 17. juli
83453
Mikudag 18. juli
Morgunlestur mikudagin 18. juli 2018
82858
Nýggjastu sendingar í SV
Leygardag 14. juli
Video: Vestanstevna 2018, 10mf
83337
Leygardag 14. juli
Video: Vestanstevna 2018, 5mf kvinnur
83336
Leygardag 14. juli
Video: Vestanstevna 2018, 8mf
83335
Leygardag 14. juli
Video: Vestanstevna 2018, 6mf menn
83334
Leygardag 14. juli
Video: Vestanstevna 2018, 5mf dreingir
83333