- Tíðindi, mentan og ítróttur
Minni á uppboðssølu
"Í minsta lagi 60% av allari veiðu hjá føroyskum fiskifari, undantikið veiðu, ið er virkað umborð, skal bjóðast út um góðkenda uppboðssølu í Føroyum," stóð í upprunauppskotinum, sum varð lagt fram í mars.
Men hetta er minkað munandi, tí sambært semjuni, sum samgongan hevur gjørt nú, skulu 20 prosent av veidda fiskinum bjóðast út um góðkenda uppboðssølu. Skipanin skal eftirmetast árliga.
Antitrustparturin ikki afturvirkandi
Eisini í antittrustpartinum, hvussu nógv rættindi hvør kann eiga, eru broytingar gjørdar. Sambært upprunauppskotinum, kundi ongin eiga meira enn 12 prosent av samlaðu veiðurættindum, men hetta markið er hækkað uppí 17,5 prosent.
Markini fyri hvat hvør kann eiga av rættindum fyri hvørt fiska slag er eisini broytt. Markið fyri uppsjóvarfisk er 20 prosent, tað var 15 prosent í upprunaupskotinum, 20 prosent fyri botnfisk undir Føroyum.
Tað markið var eisini 15 prosent, og 20 prosent á fjarleiðunum, sum t.d. í Barentshavinum. Upprunaliga var tað 25 prosent fyri Barentshavið. Men antitrustmørkini eru ikki aftureftirvirkandi og ikki galdandi fyri at bjóða upp á stutttíðarrættindi.