Uppskotið latið Løgtinginum

bannari
16.05.2017 - 18:50
AktueltPolitikkur
Uppskotið latið Løgtinginum
Sambandsflokkurin hevur latið Løgtingsskrivstovuni sítt uppskot til fiskivinnunýskipan. Uppskotið skal ætlandi leggjast fyri Løgtingið fríggjadagin
Uppskotið hjá Sambandsflokkinum til fiskivinnunýskpian er nú latið Løgtingsskrivstovuni
Mynd: Savnsmynd  
 
 

Løgtingsskrivstovan kannar nú uppskotið, so tað kann leggjast fram. Bárður Nielsen, formaður í Sambandsflokkinum vil ikki siga hvat ítøkiliga stendur í uppskotinum, men hann sigur at uppskotið er í tráð við tað sum flokkurin almannakunngjørdi seinast í november í fjør.

- Nú er talan um eitt lógaruppskot, og tí eru nógv fleiri smálutir í hesum uppskotinum, enn tað vóru í uppskotinum sum varð almannakunngjørt í november. Men leisturin er tann sami, og uppskotið verður alment fríggjadagin, sigur Bárður Nielsen.

Eftir tí sum Sambandsflokkurin almannakunngjørdi, so verður eingin fiskur seldur á eitt nú uppboðssølu, uttan so at kvotan fer uppum kvotuna, sum hevur verið seinastu 20 árini. Og nýggj fiskasløg, sum kvotur verða settar á, skulu seljast.

Reglur skulu gerast, so eingin kann eiga meir enn ein ávísan part av fiskivinnuni og útlendingar skulu framvegis sleppa at eiga í føroysku fiskivinnuni, mælti Sambandsflokkurin til, tá uppskotið varð almannakunngjørt.

Nýggjastu sendingar í ÚV
Sunnudag 3. juni
Tilvera - Tað ónda 2 (2)
9247
Sunnudag 27. mai
Tilvera - Tað ónda 1 (2)
9337
Leygardag 26. mai
ALSO: Mussist bara!
81244
Fríggjadag 25. mai
Radarin: Arktis og Public Service
81234
Nýggjastu sendingar í SV
Sunnudag 27. mai
Andaktin
81248
Mánadag 21. mai
Hamferð - útgávukonsert
81054
Mánadag 21. mai
Andaktin
81074