23 ára gamal handtikin eftir Manchester-atsókn

Løgreglan í Bretlandi hevur handtikið ein 23 ára gamlan mann, sum løgreglan hevur illgruna til hevur samband við yvirgangsálopið í Manchester mánakvøldið.

- Vit kunnu vátta, at ein 23 ára gamal maður er handtikin har suðuri í Manchester, skrivaði løgreglan í einari fráboðan á Twitter fyri løtu síðani

Greinin heldur fram niðanfyri

With regards to last night’s incident at the Manchester arena, we can confirm we have arrested a 23-year-old man in South Manchester.

— G M Police (@gmpolice) May 23, 2017

Bretsku myndugleikarnir siga seg vita, hvør maðurin var, sum framdi atsóknina í forhøllini í Manchester Arena í gjárkvøldið, har amerikanska sangkvinnan, Ariana Grande, hevði konsert. 

Tað hevur verið óvist, um maðurin var einsamallur um at fremja atsóknina, men nú hevur løgreglan handtikið ein 23 ára gamlan mann, ið verður settur í samband við atsóknina í gjárkvøldið.

Scotland Yard kannar, um gerningsmaðurin, hevði samband við nakran yvirgangsfelagsskap. Atsóknin kravdi 22 mannalív, teirra millum eru eisini børn, og umleið 60 fólk eru særd.