May: Ætlanin var at drepa børn og ung

Theresa May sigur, at atsóknin var andstyggilig. Hon hevði fyrrapartin fund við serligu trygdarnevndina um trygdarviðurskiftini í landinum.

"Hendan ræðuliga gerðin hevur tvørturímóti víst, at vit standa saman" - Theresa May

Í eini røðu uttan fyri Downing Street nummar 10 eftir fundin, boðaði hon frá, at hon fer til Manchester í dag at tosa við myndugleikarnar har, hvussu støðan skal handfarast.

Eins og eftir atsóknina á Westminster Bridge herfyri, legði Theresa May, forsætisráðharri, doyin á, at bretar lata seg ikki kúga av yvirgangi.

Greinin heldur fram niðanfyri

"Our values, our country and our way of life will always prevail" - PM @theresa_may on Manchester Arena attack https://t.co/I7YngSds2C pic.twitter.com/VIZDQ0B0Vj

— BBC Breaking News (@BBCBreaking) May 23, 2017

- Hendan ræðuliga gerðin, sum skuldi skilja okkum sundur, hevur tvørturímóti víst, at vit standa saman. Tað hava vit sæð í Manchester, har fólk seta seg viks fyri at hjálpa øðrum. 

- Fleiri ár við yvirgangi hava víst, at vit boyggja okkum ikki, segði bretski forsætisráðharrin, Theresa May, millum annað í røðuni uttan fyri downing Street nummar 10

SÍ EISINI Upptøka vísir løtuna, tá bumban brast

Manchester Arena, sum er í miðbýnum í Manchester, er bygd í 1995, og kann hýsa til samans umleið 21.000 áhoyrarum.

Konsertin við Arianu Grande var júst liðug, tá spreingingin var um hálvgum ellivu tíðina í gjárkvøldið. Amerikanska sangkvinnan fekk ongan skaða.