Føroyar vunnu altjóða kapping

Føroyskur hondbóltur hevur aftur gjørt um seg úti í heimi.

Í kvøld spældi hondbóltslandsliðið hjá monnum finaluna í Emerging Nations Cup móti Turkalandi.

Ein sera spennandi og vælspældur dystur endaði við, at Føroyar vunnu við einum máli, 26-25. Hálvleiksstøðan var 13-11 til Føroyar.
 
Kappingin er fyri smátjóðir í hondbólti, men spurningurin er, um Føroyar ikki eru blivnar ov "stórar" til hesa kapping, tí hetta er aðru ferð á rað, at Føroyar vinna kappingina.

Føroyar vunnu eisini, tá kappingin var í Kosovo fyri tveimum árum síðan.
 
Trý tey bestu londini í hesari kappingini fingu pláss í EM-undankappingini. Tað vil siga, at Føroyar vera við, tá EM-undankappingin byrjar á heysti í 2018.