Tók sjálvur avgerðina

Tók sjálvur avgerðina
Leiðslan í Tjóðveldi var ikki við í avgerðini um at bróta fráboðan floksins um, at eingin kann vera bæði í Løgtinginum og í Fólkatinginum í senn
Magni Arge er nú bæði løgtingsmaður og fólkatingsmaður. Men tað er ikki við vælsignilsi frá leiðslu floksins
 
28.06.2017 - 08:57

Magni Arge er nú bæði løgtingsmaður og fólkatingsmaður. Men tað er ikki við vælsignilsi frá leiðslu floksins. Hann tók avgerðina einsamallur, segði hann í Degi og viku í gjárkvøldið

Tað er ikki lætt at fáa viðmerking frá leiðslu Tjóðveldis um hetta mál, sum eisini verður kallað brotið vallyfti. Formaðurin í landsstjórnini, Petur í Gong, svarar ikki telefonini.

SÍ EISINI Tjóðveldi brýtur vallyftið

Formaður floksins, Høgni Hoydal, vísir til næstforkvinnuna, Sirið Stenberg. Hon er uttanlands í løtuni, men í SMS-boðum til Útvarpið í gjár skrivaði hon, at í stuttum er støðan tann, at flokkurin ikki hevur broytt støðu um at vera í Fólkatinginum og Løgtinginum samstundis. 

Í verandi løtu eru vit í eini óhepnari støðu, tí fólkatingsskipanin ikki loyvir varafólki at fara í farloyvi, og fólkatingið er í summarfríi. Tí ber hvørki til at siga sessin í fólkatinginum frá sær ella at søkja um farloyvi nú, stendur í SMS-boðunum frá Sirið Stenberg.

Hon skrivar eisini, at flokkurin fer at viðgera og taka støðu til, hvussu hann kann tryggja, at vallyftið verður hildið, nú fortreytirnar eru broyttar. Tað verður gjørt, áðrenn fólkatingið kemur saman aftur, skrivaði Sirið Stenberg, næstforkvinna í Tjóðveldi, í gjár.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585
Mikudag 27. mars
Frætt og fregnað 1 (3:3)
172858