- Tíðindi, mentan og ítróttur
Grindadráp elvir til ferðsluruðuleika
Grindadráp elvir til ferðsluruðuleika
Grindadrápið í Hvannasundi seinnapartin hevur elvt til fullkomnan ruðuleika í ferðsluni, sigur sýslumaður
05.07.2017 - 17:14
Tað gekst væl at halda eina grind til í Hvannasundi beint eftir døgurða í dag, men tað sama kann ikki sigast um ferðsluna. Ferðsluruðulleiki valdar í løtuni.
- Tað er ferðsluruðuleiki av tí allarfúlasta. 2-300 metrar frá tunnilsmunnanum standa bilar, segði Karl Johansen, sýslumaður í Norðoyggjum, við útvarpið klokkan 17.
Sýslumaðurin í Norðoyggjum er ein av teimum mongu, ið má brynja seg við toli, sum hvørki sleppur aftur ella fram í løtuni, nú ferðsluruðulleiki er í Hvannasundi eftir grindadrápið.
Løgreglan fer nú at royna at fáa glið á aftur ferðsluna í Hvannasundi og har um leiðir eftir grindadrápið. Grindin, sum legði beinini seinnapartin, var umleið 60 hvalir.
Nýggjastu sendingar í ÚV
Nýggjastu sendingar í SV