Vilja forða oljuleiting í Norra

17.07.2017 - 11:17
AktueltÚtheimurin
Vilja forða oljuleiting í Norra
Greenpeace hevur sent skipið, Arctic Sunrise, til Bjarnoynna, har skipið skal forða oljuleiting. Skipið er í løtuni á veg upp við norsku strondini
 
 

Servandar russiskar deildir tóku seg umborð á Greenpeace-skipið í 2013, og síðani er skipið umvælt, og er nú á veg aftur til Bjarnoynna. Har skal skipið royna at forða Statoil at bora eftir olju.

Korpfjellbrunnurin er tann norðasti sum er boraður, og hann liggur uttanfyri norskt øki, og har eigur ikki at verða leitað eftir olju, sigur leiðarin hjá Greenpeace í Noreg, Truls Gulowsen.

Skipioð fór fram við Lofoten í gjár á veg til Tromsø, har skal nýggj manning mynstra umborð, áðrenn skipið heldur leiðina fram í Barentshavið, og skipið fer úr Tromsø mikudagin ella hósdagin.

Greenpeace. Fuglalívið kann ávirkast

Statoil er farið undir at bora tveir brunnar, og Greenpeace ætlar at forða felagnum í at bora tríggjar aðrar brunnar.

- Statoil hevur lagt seg eftir at bora brunnarnar so teir sum minst ávirka djóralívið í økinum, Vit hava borað nógvar brunnar í Barentshavinum seinastu árini, og enn hevur einki óhapp verið, sigur ein talsmaður fyri felagið.

Greenpeace vil vera við, at Statoil nú fer at bora nærri Bjarnoynni, og tað kann ávirka fuglalívið í økinum, sigur Greenpeace.

Statoil ongar viðmerkingar

Statoil sigur seg vita av, at Arctic Sunrise er á veg í Barentshavið, men vil ikki gera viðmerkingar til tað. Greenpeace vil heldur ikki gera viðmerkingar til ætlaninar hjá skipinum, men sigur at skipið fer at gera vart við, at tað ikki er rætt at bora í Barentshavinum.

Greenpeace hevur stevnt norska statinum, fyri ikki at hava loyvi at bora í økinum í Barentshavinum. Tí tað skal vera brot á grundlógina. Málið kemur fyri í rættinum 14. november, og Greenpeace finst hvassliga at, at Statoil byrjar at bora, áðrenn sakarmálið er avgreitt.

Statoil vísir á, at sakarmálið er ímillum umhvørvisfelagskapin og statin, meðan felagið hevur fingið loyvi at bora í Barentshavinum, og hevur skyldu at gera eftir loyvinum. Bæði norska løgreglan og norska vaktartænastan siga seg kenna til støðuna, og fara at fylgja gongdini í Barentshavinum.

Nýggjastu sendingar í ÚV
Mikudag 18. juli
Summartímin mikudagin 18. juli
83468
Mikudag 18. juli
Summartímin týsdagin 17. juli
83453
Mikudag 18. juli
Morgunlestur mikudagin 18. juli 2018
82858
Týsdag 17. juli
Ein dreymaferia í Nashville
82844
Týsdag 17. juli
Morgunlestur týsdagin 17. juli 2018
82857
Nýggjastu sendingar í SV
Leygardag 14. juli
Video: Vestanstevna 2018, 10mf
83337
Leygardag 14. juli
Video: Vestanstevna 2018, 5mf kvinnur
83336
Leygardag 14. juli
Video: Vestanstevna 2018, 8mf
83335
Leygardag 14. juli
Video: Vestanstevna 2018, 6mf menn
83334
Leygardag 14. juli
Video: Vestanstevna 2018, 5mf dreingir
83333