Freistin nærkast

bannari
20.07.2017 - 08:43
AktueltVinna
Freistin nærkast
Um minni enn eina viku skal Høgni Hoydal, landsstýrismaður, lata Løgtingsskrivstovuni uppskot um fiskidagar næsta fiskiár, ið byrjar 1. september
 

Uppskotið skal leggjast fram ólavsøkudag. Spurningurin er, um næsta fiskiár bara varar til 1.januar 2018, ella talan verður um heilt fiskiár, tað er til 1.september 2018.

Bæði Havstovan og Fiskidaganevndin, sum hvørt ár lata landsstýrismanninum í fiskivinnumálum tilmæli um fiskidagar, hava í ár latið tilmæli um fiskidagar til 1.september næsta ár. Tilmælini eru um eitt heilt fiskiár.

Ætlanin er annars, at ein nýggj lóg skal koma í gildi á nýggjárinum. Í teirri lógini eru kvotur, ikki fiskidagar. Men sannlíkast er tó, at galdandi lóg verður longd, tá avtornar, so hildið verður fram við fiskidøgum næsta ár.

Eisini innanhýsis rumbul

Ikki bara er ósemja millum samgongu og andstøðu um fiskivinnunýskipanina. Eisini innanhýsis í samgonguni er rumbul um uppskotið hjá Høgna Hoydal, bæði í Javnaðarflokkinum og í Tjóðveldi.

Sosialurin hevur í seinastuni oftari enn eina ferð gitt, at løgmaður fer at skipa eina aðra samgongu eftir ólavsøku fyri at fáa eina fiskivinnulóggávu samtykta í heyst.

Uppskotið hjá Høgna Hoydal datt burtur, tá tingið fór í summarfrí. Tað skal tí leggjast fram aftur eftir ólavsøku, tá nýggj tingseta byrjar.

Óvist hvat líður nýggja uppskotinum

Ikki fæst at vita úr Fiskimálaráðnum, hvussu langt arbeiðið við nýggja uppskotinum er komið. Minnilutin í Vinnunevndini, sum í hesum førum er samgongan, hevði 42 broytingaruppskot til fyrra uppskotið hjá Høgna Hoydal.

Sjálvur sendi landsstýrismaðurin Vinnunevndini 24 broytingar tann 29. juni, tríggjar dagar, áðrenn Vinnunevndin skrivaði álit. Vinnunevndin fekk broytingarnar úr Fiskimálaráðnum fríggjadag, og hon skrivaði álit mánadag.

Umframt lógina um fiskivinnunýskipan skulu tíggjutals kunngerðir gerast, sum skulu nágreina, hvussu lógin skal umsitast.

 
Nýggjastu sendingar í ÚV
Hósdag 26. november
Morgunlestur hósdagur 26.november 2020
116531
Mikudag 25. november
Breddin
116774
Mikudag 25. november
Nón 25. november 2020
116767
Mikudag 25. november
Góðan morgun Føroyar
116746
Mikudag 25. november
Tempo - 241120
116740
Nýggjastu sendingar í SV
Týsdag 24. november
Atlantshavið 3:3 - Úr Himni í helheim
116727
Mánadag 23. november
3-2
116682
Sunnudag 22. november
Andakt við Sonju I. Jacobsen
116610
Sunnudag 22. november
Fótbóltur: NSÍ - KÍ
116620
Sunnudag 22. november
Møti úr Leirvíkar Missiónshúsi
116617