Framsókn: Uppskotið verður samtykt við broytingum

bannari
25.07.2017 - 13:02
AktueltPolitikkur
Framsókn: Uppskotið verður samtykt við broytingum
Fiskivinnunýskipanin kemur fyri á samgongufundi í morgin
Formaðurin í Framsókn væntar, at uppskotið um fiskivinnulóg verður samtykt, tá tríggjar høvuðsbroytingar eru gjørdar
 
 

Tað ljóðaði ógvisligt, at Vinnunevndin mælti til 42 broytingar í uppskotinum um fiskivinnunýskipanina.

Men sambært Poul Michelsen, formanni í Framsókn, eru tað í veruleikanum tríggjar stórar broytingar, sum skulu gerast, áðrenn uppskotið kann leggjast framaftur. Hinar broytingarnar eru ikki so stórar og umfatandi, sigur hann.

Formaðurin í Framsókn sigur tó einki um, hvørjar tær tríggjar broytingarnar eru.

 Poul Michelsen sigur við Kringvarpið, at samgongan er heil. Hann væntar, at uppskotið verður samtykt, tá tað verður lagt framaftur eftir ólavsøku við nøkrum rættingum.

Fiskivinnunýskipan kemur fyri at samgongufundi í morgin.

Hevur onga viðmerking

Vit hava roynt at fáa eina viðmerking frá Akseli V. Johannesen, løgmanni, men vit hava fingið at vita, at løgmaður hevur onga viðmerking til uppskotið, áðrenn hann heldur ólavsøkurøðuna.

Tá fer løgmaður at boða frá, nær uppskotið verður lagt fram, og hvat  fer at standa í uppskotinum.

Í vinnuni eru tey ónøgd um, at málið ikki verður avgreitt fyrr enn í heyst. 

Jógvan Jespersen, stjóri í felagnum Nótaskip, sigur, at tíðin er alt ov stutt til at fyrireika seg til eina nýggja skipan. Hann mælir tí til, at verandi skipan heldur fram eftir 1. januar. 
 

Nýggjastu sendingar í ÚV
Mikudag 20. juni
Altjóða yogadagur 21. juni
82128
Týsdag 19. juni
Bróstageving er týdningarmikil
82129
Týsdag 19. juni
HM-tíðindi 19. juni 2018
82088
Mánadag 18. juni
Fremmand í Århus
82045
Nýggjastu sendingar í SV
Mánadag 18. juni
3-2
82062
Mánadag 18. juni
Blank 7
81786
Sunnudag 17. juni
Andaktin
81999
Sunnudag 17. juni
Guðstænasta úr Dómkirkjuni
81994
Leygardag 16. juni
Video: Eystanstevna, 8mf
81982