Løkke er nøgdur við stjórnarskipanaruppskotið

bannari
04.08.2017 - 10:25
AktueltPolitikkur
Løkke er nøgdur við stjórnarskipanaruppskotið
Uppskotið er til almenna hoyring í løtuni, og síðani verður tað lagt fyri løgtingið
Mynd: Savnsmynd  
 
 

- Sum eg havi skilt arbeiðið við stjórnarskipanaruppskotinum, so er hetta eitt skjal, sum virðir galdandi grundlóg og stjórnarskipan.

Tað er avgerandi fyri meg.

Tað sigur Lars Løkke Rasmussen, forsætisráðharri, í samrøðu við Sosialin, nú eitt uppskot um stjórnarskipan er farið til almenna hoyring.

Forsætisráðharrin sigur, at Føroyar eru komnar longri enn Grønland í spurninginum um stjórnarskipan, og tað sæst eisini aftur í arbeiðnum við stjórnarskipanini, sigur hann við Sosialin.

Lars Løkke Rasmussen sigur, at grønlendingar hava ikki gjørt av, um tað er loysing, teir vilja hava.

Tosar fyri felagsskapi

Forsætisráðharrin sigur, at hann skilir væl ynski hjá einum fólki at skipa seg sjálvt, og tað virðir hann eisini. Men hann fer altíð at tosa fyri einum felagsskapi, í staðin fyri at lond taka seg burtur úr einum samstarvi.

- Føroyska samfelagið hevur ment seg við rúkandi ferð, og tað hevur uppiborið alla virðing. Tó vildi eg mett, at tað er eisini ein fyrimunur fyri føroyingar, at í somu løtu teir fara til Danmarkar, hava teir somu rættindi sum danir, sigur Lars Løkke Rasmussen, forsætisráðharri, í samrøðuni við Sosialin.

Uppskotið um stjórnarskipan er til almenna hoyring til 25. august.

Síðani ætlar løgmaður at leggja tað fyri tingið. Eftir fyrstu viðgerð fer tað í eina grein 25 nevnd, har allir flokkar eru umboðaðir.

Stjórnarskipanin skal verða avgreidd í tinginum í seinasta lagi 25. oktober, eitt hálvt ár fyri, at ætlaða fólkaatkvøðan skal vera á flaggdegnum, 25. apríl, næsta ár. 

Nýggjastu sendingar í ÚV
Mánadag 18. desember
Morgunlestur mánadagur 18. desember 2017
75571
Sunnudag 17. desember
Guðstænasta í Vestmanna kirkju
75633
Sunnudag 17. desember
Bolero
75632
Sunnudag 17. desember
Upp á tá
75629
Sunnudag 17. desember
Harmonikuløtan
75625
Nýggjastu sendingar í SV
Sunnudag 17. desember
Møti um borð á Brimli
75637
Sunnudag 17. desember
Andaktin
75636
Hósdag 14. desember
Koba & Vatnhamar II (4:4)
75534
Mikudag 13. desember
25 minuttir: Ronnie Midjord
74873
Sunnudag 10. desember
Andaktin
75323