Framløgudagurin er framvegis í august

bannari
21.08.2017 - 10:25
AktueltPolitikkur
Framløgudagurin er framvegis í august
Ætlanin hjá landsstýrinum er enn at leggja nýggja fiskivinnunýskipan fram nú í august. Truplari at gera reglur um antitrust saman við fiskidøgum.
Høgni Hoydal og Aksel V. Johannesen
Mynd: Savnsmynd  
 
 

Løgmaður heldur framvegis fast um, at nýggja fiskivinnulógin kemur aftur í løgtingið nú í august.

Tingfundur verður mikudagin, men tá kemur uppskotið ikki, tí tað er ikki farið í Løgtingsskrivstovuna enn. 

Frá týsdegnum í næstu viku verður eingin tingfundur í eina tíð, tí Útnorðurráðið hevur ársfund í Reykjavík.

1.september fer Vinnunevndin til Japans. 

Og í september kemur formansskapurin í fólkatinginum til Føroya.

Nærkast evsta marki

Nýggjárið nærkast, og fær fyrsta viðgerð ikki verið mánadagin, um eina viku, eru vit upp aftur nærri nýggjárinum, tá tingið fær viðgjørt fiskivinnunýskipanina.

Aksel V. Johannesen, løgmaður, sigur, at 17 fólk taka undir við tí uppskoti, sum nú fer í tingið. Tey eru samgongan og Sonja Jógvansdóttir.

Hann sigur, at semja er um tað. 

Hann vil tó ikki siga, um tey 17 fólkini hava skrivað undir, at tey atkvøða fyri uppskotinum, sum Høgni Hoydal, landsstýrismaður, kemur við.

Landsstýrið hevur longu avgjørt at bíða við kvotunum til 2019.

Tað ger, at lógarparturin um antitrust verður torførari at orða, nú talan verður um fiskidagar eisini í 2018, sigur løgmaður.

  
 

Nýggjastu sendingar í ÚV
Leygardag 16. desember
Morgunlestur leygardagur 16.desember 2017
75338
Fríggjadag 15. desember
Jazzofonin 13. desember 2017
75580
Fríggjadag 15. desember
Mjørkadalsbygningurin er ein arkitektonisk perla
75541
Fríggjadag 15. desember
Jazzofonin 6. desember 2017
75559
Nýggjastu sendingar í SV
Hósdag 14. desember
Koba & Vatnhamar II (4:4)
75534
Mikudag 13. desember
25 minuttir: Ronnie Midjord
74873
Sunnudag 10. desember
Andaktin
75323
Sunnudag 10. desember
Møti úr Ebenezer í Havn
75324
Hósdag 7. desember
Millum himmal og helviti
75220