Tjóðveldi tigur

Tjóðveldi tigur
Tjóðveldi vil framvegis ikki siga, hvør skal sita á fólkatingi fyri flokkin, men fer at koma við boðum seinnapartin í dag ella í morgin.
 
13.09.2017 - 12:16

Seinnapartin í dag, ella í morgin, fer Tjóðveldi at boða frá, hvussu tey gera við fólkatingssessin.

Tjóðveldi hevur seinastu tríggjar mánaðirnar brotið vallyftið, og latið Magna Arge sita bæði sum fólkatings og løgtingsmann.

Flokkurin hevði fund um málið í gjár, men flokkurin vil framvegis ikki siga alment, hvør niðurstøðan er, men Magni Arge sigur, at tey koma við nærri boðum seinnapartin í dag ella í morgin.

Til fólkatingsvalið gav flokkurin lyfti um, at fólk ikki skulu kunna sita bæði í løgtinginum og fólkatinginum samstundis, men tað hevur Magni Arge gjørt seinastu tíðina.

Magni Arge hevur havt farloyvi úr fólkatinginum fyri at fara í løgtingið, men sum varamaður á fólkatingi sleppur hann ikki í farloyvi aftur, og tí má hann endaliga úr tí sessinum, um hann aftur ætlar í løgtingið.
 

Er kopiera
Nýggjastu sendingar í SV
Týsdag 24. februar
Veðrið
204758
Týsdag 24. februar
Dagur og vika við 3-2 - teknmálstulkað
204737
Týsdag 24. februar
Stjørnan í fjóðra parti
204729
Mánadag 23. februar
Veðrið
204693
Sunnudag 22. februar
Guðstænasta úr Kvívíkar kirkju
204615