Dagføring: Arbeiðssteðgur útsettur

Fráboðaði arbeiðssteðgurin hjá sjúkrarøktarfrøðingum eru útsettur í eina viku.

Eftir fundin í dag millum Felagið Føroyskir Sjúkrarøktarfrøðingar og semingsmannin, hevur semingsstovnurin útsett arbeiðssteðgin í eina viku, og í morgin fer ein semingsroynd at verða gjørd.

Meira verður í útvarpstíðindunum klokkan 18.00.

Skuldu í verkfall árla í morgin

Fríggjadagin lýsti Felagið Føroyski Sjúkrarøktarfrøðingar arbeiðssteðg fyri narkosusjúkrarøktarfrøðingar á øllum trimum sjúkrahúsum frá mánamorgni 30.oktober 2017 kl 8.00, eftir at hava samráðst við Fíggjarmálaráðið um nýggjan sáttmála.

Óluvá í Gong, forkvinna í Felagnum Føroyskir Sjúkrarøktarfrøðingar, segði, at samráðingarnar eru ikki komnar nakran veg, hóast felagið hevur verið á fýra fundum við fíggjarmálaráðnum.

- Vit hava tosa um sáttmálatekst, men at tosa um tað, sum tað veruliga handlar um, pengar, tað hava vit ikki gjørt, sigur Óluva í Gong. 

Jan Mortensen, stjóri á Lønardeildini, valdi tí at senda boð eftir semingsstovinum.

Sáttmálin millum sjúkrarøktarfrøðingarnar og Fíggjarmálaráðið fór úr gildi fyrsta oktober.