Jørgen: Miðflokkurin neyvan í "LGBT-samgonguna"

Jørgen: Miðflokkurin neyvan í "LGBT-samgonguna"
Formaðurin í Fólkaflokkurin hevur ilt við at trúgva, at Miðflokkurin fer at vera partur av "LGBT-samgonguni"
- Hetta er tað mesta av fólki, sum eg havi sæð á landsfundi, sigur Jørgen Niclasen, sum í dag bleiv afturvaldur sum formaður í Fólkaflokkinum
 
11.11.2017 - 16:15

Spískar og hvassar viðmerkingar, gott lag og stúgvandi fult av fólki vóru til landsfund hjá Fólkaflokkinum á Parnassinum í Hotel Hafnia í Havn seinnapartin. 

- Eg byrjaði at ganga á landsfund í 1988. Men hetta er tað mesta av fólki, eg havi sæð á landsfundi. So eg vóni, at rákið er vent nú, og viðvindurin er við okkum nú, sigur Jørgen Niclasen, formaður í Fólkaflokkinum.

Jørgen Niclasen bleiv afturvaldur sum formaður í Fólkaflokkinum á landsfundinum.

Fólkaflokkurin brúkti landsfundin til at brynja seg til val við nýggjari stevnuskrá. 

Hóast samráðingar hava verið seinastu tíðina millum samgonguna og Miðflokkin um at styrkja samgonguni, hevur Jørgen Niclasen ilt við at trúgva uppá, at hetta verður veruleiki. 

- At Miðflokkurin fer inn at bjarga "LGBT-samgonguni". Tað vil eg síggja, áðrenn eg trúgvi tí, sigur Jørgen Niclasen.

Nýggja stevnuskráin hjá fólkaflokkinum kann lesast HER.

 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585